ردت الفنانة سماح أنور، على الجدل المثار حولها، بسبب تصريحاتها عن المياه، والتي أدلت بها خلال لقائها في برنامج «كلام الناس»، الذي يذاع على شاشة mbc مصر، حيث قالت: «بقالي 17 سنة مشربتش مياه، لازم المياه ميبقلهاش طعم ولا ريحة، دي مواصفاتها، المياه كلها ليها طعم وليها ريحة دي مبشربهاش، لما باخد منها جسمي بيضايق وبطني بتوجعني».
وقالت سماح أنور، في تسجيل صوتي لها، عبر حسابها الرسمي بموقع الصور والفيديو «إنستجرام»: «مسائكوا فل وقشطة وعسل، أنا لما طلعت في لقاء من كام يوم كنت ضيفة في برنامج مع ياسمين عز القمر الجميلة، وسألتني أنتي بتشربي مياه ولا لا، قولتلها بقالي 17 سنة مبشربش مياه وقعدنا هزرنا وكده، فسألتني ليه، فحكيت».
وأضافت وفقا لما ورد :«لقيت بعدها بيوم صحفيين كتير بيكلموني بيقولوا لي الدنيا مقلوبة عليكي، والدكاترة بيردوا عليكي، وحاجات من دي، وصحابي بعتوا ليا دكاترة بيردوا على تصريحاتي، أنا مش بشتغل في حاجة تخص الطب تخلي كلامي مؤثر علميًا لهذه الدرجة، أنا كنت في حوار كممثلة، المذيعة بتسألني عن تجربتي الشخصية مع المياه، فحكتلها تجربتي الشخصية، حتي قالتلي في الحوار الدكاترة هيشدوا شعرهم، قولتلها الدكاترة صح ودي حاجة تخصني، وما حدش يعمل بها ونفعت معايا أنا، لكن ما قلتش اوعوا تشربوا مياه، وإلا أبقى ست مجنونة».
The post بعد تصريحاتها عن المياه.. سماح أنور: «ما قلتش أوعوا تشربوا.. وإلا أبقى ست مجنونة» first appeared on آخر ثانية.
