انتقدت الإعلامية ياسمين عز الدعوة لتعميم فكرة “المساكنة” قبل الزواج، في مخالفة للمقبول دينيا ومجتمعيا.
وقالت ياسمين عز خلال تقديمها حلقة اليوم من برنامج “كلام الناس” عبر قناة MBC مصر: “إحنا ملناش دعوة بكريستيانو رونالدو وجورجينا، والناس في الخارج اللي بيخلفوا وهما بيحبوا بعض، وبعدين تلاقيها حامل في الفرح، ده مش عندنا خالص وربنا يحاسب كل واحد”.
وأضافت: “الدين بتاعنا وربنا قال مفيش حاجة اسمها مساكنة، والاسم ده غلط، السكن هو الزوجة والزوج بعقد شرعي وربنا والناس عارفين وحياة طبيعية، وفقا لما ورد في الفن هنا لكن المساكنة دي حد حب ينمق الموضوع ويجمله”.
وتابعت: “إنت لما تتجوزي حتى لو جوازة على الضيق بيكون في مجهود من الراجل وبتغلي نفسك، ولما تحصل مشاكل بيكون صعب على الراجل خاصة المصري يطلق، لإنه مقدرك معنويا وماديا، لكن لما تكون الدنيا سداح مداح الصبح يقول ليكي باي باي، ويغير كالون الباب والمساكنة خلصت، اتقوا الله وبلاش نقول تصريحات، ولو عندك قناعات احتفظ بيها لنفسك في بيتك”.
يأتي ذلك بعد التصريحات الأخيرة للفنان محمد عطية في برنامج “شو القصة” من تقديم الإعلامية رابعة الزيات، والتي تحدث فيها عن ترحيبه بفكرة المساكنة.
وأكد محمد عطية أنه لا يمانع بالزواج من لا دينية، قائلا: “المهم تكون إنسانة، ده لو أتجوزت أصلا لأن الزواج عرف بشري اخترعوه بسبب الزراعة، ولو أنا بحب إنسانة ليه المجتمع والقوانين تدخل ما بينا؟ الأنسب نتجوز من غير عقد زي المساكنة، لأن المعظم بيتجوز عمياني مع أن الجنس جزء مهم في العلاقة، وأغلب حالات الطلاق بتحصل بسبب عدم توافق الحياة الجنسية، فالأفضل نعيش
مساكنة ونشوف ينفع نعيش مع بعض ولا لأ”.
The post ياسمين عز بعد تصريحات محمد عطية عن “المساكنة”: ملناش دعوة بكريستيانو رونالدو وجورجينا first appeared on آخر ثانية.
