اعتذر مطرب المهرجانات حسن شاكوش لصناع أغنية “حاجة مستخبية” للفنان محمد حماقي.

وكتب حسن شاكوش عبر صفحته على موقع التواصل الاجتماعي Facebook:” أنا طالع عشان اعتذر وأتاسف لأخويا وصديقي الملحن العبقري مدين.. انا كنت فاهم غلط واتضحلي الحقيقة أن لحن أغنية (حاجة مستخبية) اللي من إبداعه فعلا مش زي منا كنت معتقد”.

وأضاف: “عشان كدة كان لازم أطلع وأدي الحقوق لأصحابها واعتذر عن اللي صدر مني.. شكرا ليكم وأتمنى محدش يزعل مني سواء الاستاذ محمد عاطف الشاعر الكبير أو الموزع الكبير أحمد إبراهيم أو الفنان الكبير محمد حماقي”.

وكان مطرب المهرجانات حسن شاكوش، خلال ظهوره في برنامج “الحكاية” الذي يقدمه الإعلامي عمرو أديب عبر قناة MBC مصر، علّق على اتهامه بسرقة لحن أغنية “حاجة مستخبية” للفنان محمد حماقي، واستخدامه في مهرجان “بنت الجيران”، وقال: “حماقي عامل أغنية اسمها (حاجة مستخبية)، كان بقالها 5 سنين على يوتيوب عاملة 16 مليون”.

وأضاف: “قالوا إحنا سارقين لحن (حاجة مستخبية)، وحصلت مفاوضات خاصة بأرباح موقع يوتيوب بين شركتي وشركة النجم محمد حماقي، واتفقنا تتقسم أي أرباح على 3 شركات.. اللي عرفته إن (حاجة مستخبية) اللحن أصلا مسروق من لحن تركي”.

أغنية “حاجة مستخبية” غناء محمد حماقي، كلمات محمد عاطف، لحن محمد مدين، توزيع أحمد إبراهيم، وطرحت في أغسطس 2014 وفقا لما ورد هنا، ووصل عدد مشاهداتها عبر موقع يوتيوب إلى ما يزيد عن 115 مليون مشاهدة.