تواصل الفنانة سمية الخشاب توجيه النصائح لطلبة الثانوية العامة عبر حسابها بموقع التواصل الاجتماعي Twitter.

وكتبت سمية الخشاب: “ساعدوا بعض وذاكروا مع بعض وبلاش قلة سلكان عشان كل حاجة بالنيات”.

وأعطت سمية الخشاب عددًا من النصائح للطلاب في مادة الكمياء، وتحديدًا في فصل الكمياء العضوية، وكتبت: “هتلاقي أكتر حاجة داخل فيها أسهم البنزين، فانت هتبدأ في الامتحان بكربيد الكالسيوم هتنزل منه بسهم للأسيتايين، وبعدين تدخل به على البنزين، وتستلم البنزين بقى، البنزين طالع منه 6 أسهم، 4 تحت وواحد على اليمين وواحد فوق، افتكر الـ 4 اللي تحت ببنزين 80 و90 و95 وسولار”.

وتابعت سمية الخشاب: “كده باقي سهمين، واحد فوق لـ ch3، وواحد هيكمل على اليمين اللي هو كلوروبنزين وهكذا، ليه اخترت البنزين، عشان تفتكروا في الامتحان بعدد الأسهم، وفي 41 سهم داخلين فيه، مع المذاكرة هتحفظ الشكل، حاول تفهمها بقى وكده بالطريقة دي هتقدر تفتكر على قد ما تقدر”.

يذكر أن سمية الخشاب تعاونت مع مطرب المهرجانات عمر كمال، من خلال أغنية أوعدك التي طرحتها عبر قناتها الرسمية بموقع يوتيوب، ولكن شهدت تلك الأغنية خلافًا بينهما وفقا لما ورد في الفن هنا، وأشار عمر كمال في تصريحات تليفزيونية إلى أن سمية لم تلتزم ببنود عقد التعاون على هذا العمل.