علق الفنان محمد هنيدي، على انتقاد البعض للاعب كرة القدم ونادي ليفربول الإنجليزي محمد صلاح، وذلك بعد خسارة فريقه ليفربول، نهائي بطولة كأس الأمم الأوروبية أمام نادي ريال مدريد.

وكتب هنيدي عبر حسابه الشخصي على موقع التواصل الاجتماعي فيس بوك: «عارف لما بتبقى بتلعب بلاعب في البلاي ستشين وفجأة تلاقيك بتنافسه أو اللاعب بعد ما اعتزل بيحلل أداءك في التلفزيون وبيوصفك بالأفضل في منطقتك في العالم.

وأضاف الفنان محمد هنيدي: «عشان كدة بقى عايز أقول حاجة، بقالي فترة بشوف» بعض الشباب اللي بيحاول يسخر أو يقلل من صلاح، يمكن يكونوا مابيحبوش صلاح أو بيشجعوا فرق منافسه، من حقك ماتحبش صلاح وحقك تحب فريق منافس وتشجعه».

وأوضح: «بس الفكرة ليه تقلل أو تكره واحد قدر يعمل اللي ملايين كانوا بيشوفوه مستحيل؟ صلاح اللي كان بيسافر بالقطار كل يوم وينام في النادي ع الأرض وبدون واسطة قدر يصنع نفسه من الصفر، لغاية لما وصل أنه بقى ينافس على الأفضل في العالم، صلاح زينا وشبهنا، ماتولدش في بقه معلقه دهب، قدر يكون مثال لأي واحد بيتعب وشايف أن حلمه وهدفه مستحيل يتحقق، صلاح مثال لأي شخص مجتهد وبيمر بظروف صعبة وحياة صعبة، مثال أنك تقدر مش بس تكون الأفضل في بلدك، تكون الأفضل في العالم، الفكرة مش في الشخص، الفكرة في الفكرة نفسها، أن يكون عندنا شخص وأشخاص طبعا في مجالات كتير تانيه زيه، قدروا يحققوا اللي انت واحنا كنا شايفينه مستحيل وفقا لما ورد هنا.. فالحب والتقدير لصلاح.. مش حب لشخص ..حب لفكرة ونجاح، وهاردلك يا صلاح».