كشف الفنان أحمد فلوكس إنه ارتكب أخطاء في حياته، لكنه لم يجسدها في أعماله الفنية.

وقال أثناء استضافته في برنامج “حبر سري” على شاشة “القاهرة والناس”: “أنا كنت بغلط، أنا كنت من أسوأ الناس اللي موجودة في الدنيا، وعملت كل الموبقات، بس عمري ما عملتها على الشاشة، كنت مراية كويسة لنفسي، كنت صريح مع نفسي، وعشان صراحتي كانت صح، قعدت قولت يارب اغفر لي”.

وتابع:” أنا بقول الحقيقة، أنا كنت كده، بس في الآخر ولا طلعت ده على الشاشة، حتى الفيلم اللي عملته مع صافينار ومحمود الليثي، أنا معنديش الحاجات اللي كانوا بيعملوها في الحاجات التانية، وده كان خلاف مع أحمد السبكي، هتلاقيني في الأغاني والبرومو طالع بقفايا، وحط صافينار أكبر مني على الأفيش، حطها هي البطلة، اللي أنت بتعرضه على الشاشة هو اللي إنت بتبيعه للناس”.

يذكر أن آخر أعمال أحمد فلوكس فيلم “الممر” عام 2019 وفقا لما ورد في مصراوي هنا، من ﺇﺧﺮاﺝ وتأليف شريف عرفة، وبطولة النجوم: أحمد عز، إياد نصار، أحمد رزق، محمد فراج، أحمد صلاح حسني، محمد الشرنوبي، محمد جمعة، أمير صلاح، وأسماء أبو اليزيد وغيرهم.