كشف مغني المهرجانات حسن شاكوش، أنه خسر في أزمته الأخيرة مع نقابة المهن الموسيقية مبالغ مالية كبيرة.

وقال “شاكوش” أثناء استضافته في برنامج “حبر سري”، أنه أعاد مقدم تعاقدات على حفلات غنائية وصلت لـ 4 مليون جنيه.

وأكد، أنه أنهى جولة حفلات في الولايات المتحدة الأمريكية منذ شهر ونصف، وأضاف: “12 حفلة كاملين العدد، وده نجاح كبير، وكنت بعد كل حفلة بعيط وأنا على السرير، علشان أنا كل حفلة لما حد مصري يجي يجبلي علم مصر يحطه على كتافي عرفت يعني إيه مصر، عرفت يعني الواحد هيعيش ويموت في البلد دي، أشيل ترابها فوق دماغي، عرفت يعني إيه غربة، بطلع الحفلة اشتغل وأنا من جوايا بموت، بعيد عن أهلي وبعيد عن بلدي، كان إحساس صعب على جدا، كنت بقول أنا ميت بالحيا، لإني أنا مش شغال في بلدي، وشغال بره بلدي، بس كده كده الحمد لله، ربنا كبير”.

نقابة المهن الموسيقية برئاسة النقيب هانى شاكر وفقا لما ورد في مصراوي هنا، أصدرت في نوفمبر قرارا بمنع التعامل مع عدد من مطربي المهرجانات، وقالت في بيان لها “قررت نقابة المهن الموسيقية منع التعامل مع كل من: حمو بيكا، نور التوت، مسلم، وأحمد موزة، وحسن شاكوش (إلغاء التصريح السنوي)، ويمنع كل من ليس عضوا بالنقابة وغير مصرح له بالعمل لحين تصحيح أوضاعهم بالنقابة واجتياز الاختبارات”