علق مؤدي المهرجانات حمو بيكا، على حلقته مع الفنان رامز جلال في برنامج “رامز موفي ستار” ولقائه بالنجم العالمي فاندام.

مقلب رامز جلال
وقال حمو بيكا خلال لقائه في برنامج “حبر سري” الذي تقدمه الإعلامية أسما إبراهيم بقناة “القاهرة والناس”: ما كنتش عارف ان فيه مقلب مع رامز جلال ولكن كنت عارف إني رايح أصور فيلم مع فاندام”.

مقابلة فاندام
وتابع: “قابلت فاندام كأنه صاحبي وعشرة عمر وبايتين مع بعض لأن كده كده مش هيفهمني لو قعدت أكلمه لحد السنة اللي جاية”. وأضاف: “فاندام حبيبي وعشرة عمر وكنت بتفرج على أفلامه كلها، وأنا بعشق رامز جلال وبحبه وهو قال كلام سخرية عليَّ بس عادي ما زعلتش”.

حزن والدة حمو بيكا
وأشار: “أمي زعلت وعيطت من كلام رامز جلال عليَّ بس أنا فهمتها إن ده مقلب”. وكان مطرب المهرجانات حمو بيكا، أصيب بحالة من الفزع والخوف، خلال استقلاله سيارة “رامز موفي ستار وفان دام” بعد رؤية الكوبرا والثعبان وخوفًا من الانزلاق في بحيرة التمساح.

وشرع مطرب المهرجانات خلال مشاركته في برنامج “رامز موفي ستار” المذاع على فضائية “إم بي سي مصر”، في الجري، مرددًا: “الحقوني هموت”، مطالبًا رامز جلال بإلقاء الثعبان بعيدًا عنه.

وأضاف مؤدي المهرجانات وفقا لما ورد في فيتو من هنا موجهًا حديثه لرامز جلال قائلًا: “وحياة أمك أنا كنت هموت عندي السكر والضغط وأنت كنت هتجيب لي القلب دلوقتِ”، مؤكدًا: “أنا مش فاكر أي حاجة.. ومش عارف أتكلم مع فان دام”.

الضحية الأولى صابرين
ووقعت الفنانة صابرين في المقلب الأول للفنان رامز جلال في الحلقة الأولى من برنامجه هذا الموسم. طلب النجم العالمي فان دام، من الفنان رامز، تغيير فورمات الحلقة، ليحل محل رامز. ورد رامز جلال قائلا: “ليه عايز تاخد مكاني في الحلقة دي اشمعنا يعني”، ليجيب فان دام: لأمارس التعذيب مع الفنانة صابرين. علق رامز جلال: “بس خلي بالك لازم تفك واقي الصدر وأنت في العربية، ولازم تاخد التعبان وتحطه في زورها، وخلي بالك التمساح اللي تحت ما كلش بقاله 3 أيام”، ليعقب فان دام: “العمر مش بعزقة”.