هاجم مؤدي المهرجانات حمو بيكا، المطرب عمر كمال، في بث مباشر له عبر حسابه على موقع التواصل الاجتماعي Instgram.

وقال حمو بيكا: “أنا اتصلت بعمر كمال فوق الـ7 مرات ومردش عليا، وبقى يشوف نفسه على الناس وأنا مش الناس، لأني كنت أول واحد يا عمر عملتلك أغنية والناس سمعتها يعني ربنا ثم أنا”.

نرشح لك: الملخص- أصالة في “معكم منى الشاذلي”: بغني وأنا حافية أحلى ألف من وأنا لابسة الكعب.. وعانيت من شيزوفرينيا في حياتي

وأضاف: “وعايز أقولك وريني هتنجح بنفسك ازاي ومتخليش حد ينجحك وعايز أشوف مهاراتك، واشوف شغلك، وعايزك لما تقابلني في حته السلام بتاع ربنا متقولهوش، عشان كل الناس عارفة أنت أيه، وكل الناس برا أو جوا المجال عارفين أنت أيه”.

وتابع حمو بيكا: “يا خسارة العيش والملح اللي اكلتوا معاك، أنتوا ميمشيش معاكوا الإنسان الطيب، ومتفكرش لما تنشر الأغنية دي أنها هتروح، أنا ممكن أخش امسحها دلوقتي ولا يهمني.. يا صاحب مزيف”. وفقا لما ورد في الفن هنا

من ناحية أخرى، كشف حمو بيكا لأول مرة عن اسمه الحقيقي، مؤكدا أنه لا يمانع في التخلي عن اسم الشهرة “بيكا” في سبيل دخول نقابة المهن الموسيقية.

وقال بيكا خلال مداخلة هاتفية مع الإعلامي عمرو أديب ببرنامج “الحكاية” المذاع عبر قناة MBC مصر: “أنا مستعد أغير حياتي كلها عشان أشتغل وآكل عيش، وأنا اسمي الحقيقي محمد محمود، واسم الدلع حمو، لو عايزين في النقابة يشيلوا بيكا ويحطوا أي اسم مفيش عندي مشكلة”.

جاء ذلك تعليقا على ما تردد عن إصدار نقابة المهن الموسيقية مجموعة جديدة من الشروط لقبول مطربي المهرجانات في النقابة، وهو ما نفاه وكيل أول النقابة محمد أبو اليزيد خلال مداخلة مع البرنامج.