ردت الفنانة إلهام شاهين على ظهورها دون حجاب أثناء صلاة جنازة مها أبوعوف، قائلة: «الفنانة الراحلة مها أبوعوف تعتبر زميلة عزيزة ولينا مع بعض عشرة وذكريات».

وأضافت «شاهين»، خلال مداخلة هاتفية ببرنامج «كلام الناس» المذاع عبر فضائية «إم بي سي مصر»: «أنا مش بتابع السوشيال ميديا خالص الحقيقة ولو فيه حاجة عليا حد بيحكيلي، والجمهور ملوش دعوة بمين حضر ومين محضرش، ودي حاجة متخصهومش».

وتابعت: «مفيش جنازة إلا أما بيبقى كم من الفنانين فظيع موجود، وامبارح كان فيه ناس موجودة معرفناش بعض من كتر ما هم كتير، ودنيا سمير غانم كانت موجودة وانا ماخدتش بالي إلا من خلال الصور، واحنا مش رايحين نتصور».

وأشارت: «كنت لابسة حجاب ولكن الطرحة وقعت وكانت متدلدلة على كتفي، واتزحلقت ومأخدتش بالي للحظة وبعد كدا لبستها، واللي واقف بيصور الناس وهي بتصلي دا تافه».وفقا لما ورد في المصري اليوم هنا

كانت الفنانة إلهام شاهين قد تعرضت لهجوم حاد من رواد مواقع التواصل الاجتماعي بعد ظهورها في صلاة جنازة الفنانة الراحلة مها أبوعوف دون غطاء للرأس