عدل الفنان أحمد فلوكس منشور الهجوم على الفنان أشرف زكي نقيب المهن التمثيلية، بسبب إعلانه مقاضاة الفنانة دينا حسين، بعد أزمة الفيديو الشهير والذي اعتبرته النقابات الفنية به إساءة لمصر والفن المصري.

وقام أحمد فلوكس بعد نصف ساعة من نشر بوست له يهاجم نقيب المهن التمثيلية على «فيس بوك» بتعديله.

وقال أحمد فلوكس، في منشوره بعد التعديل: «إن ما يحدث افتراء على دينا حسين بسبب مقاضاتها، مشيرًا إلى أنه يعمل في التمثيل منذ 20 عامًأ وبالفعل المهنة بها الكثير مما قالته وهنا الكثيرين حدث معهم ذلك».

وأضاف «فلوكس» عبر «فيس بوك»: «طيب أنا مكنتش حابب اتكلم نهائي عن أي حاجة تخص الشغلانة دي بس ماقدرش أشوف افترى قصاد عيني وأسكت، طيب بما إني كنت في المهنة دي ٢٠ سنة أنا هرد، آه المهنة دي وكل ما له علاقة بالفن كده، حتى الراجل لو مشلش الشنطة وباس الأيادي، وطبعا مش محتاج أقولك الباقي مش هايبقى.. أيوه البنت دي بتتكلم باللي شافته، وفي غيرها كتير حصلهم كده وأعرف ناس منهم اتعقدوا وراحو اشتغلوا في دهب، وقلة اللي حالفهم الحظ».

وتابع: «بيحصل أكتر من كده وبتعافر بقالك سنين وبتزق مواهب كتير بنفسك وبتشوف بعينك ومن المواهب دي استغلت، سواء على أول مسرح وقفت عليه بسببك أو لما عملنا مسرحية الطيار وحمتني من اللي كانو عاوزين يفشلوني». وفقا لما ورد في المصري اليوم للمزيد من هنا

واستكمل: «لامؤاخذة عموما بقي موضوع البنت دي باقي موضوعي الشخصي وأي حد يعرفها خلوها تتواصل معايا لو سمحتم وأستاذنك يا دكتور زي البنت دي ما شافت جزء سواد في بداية حياتها ومقبلتش حضرتك، اسمحلي إني أجيبها وتتبناها زي ما تبنيت ناس كتير أولهم أنا علشان نظهر للعالم أولا والجزيره ثانيا، أنهم بيصطادوا في المياه العكرة، ورغم إني مركز في شركاتي فقط وبعيد عن الفن لكن لعيونك استأذن نوريهم مين الفنانين الحقيقيين وده تحدي بيني وبين كل السوق وكل ما له علاقه ووعد مني لو مكنش اللي جاي زمن المحترمين مكنش راجل».

واختتم: «أما دكتور أشرف فما فعلته لي ولأجيالي كان كثيرا، وآن الأوان أن تحارب لرسم طريق نظيف لأجيال أخرى، فالنصيحة ليك طول عمرك بطلع أجيال ومش بس بطلع انت كنت صاحب فضل كبير في وجودي، سواء لما وقفت قدام على المسرح أو في الحروب، لا تيأس وأنا معاك».