روت المطربة حنان قصة ارتدائها للحجاب واعتزالها للفن حيث أوضحت أنها اعتزلت عام 1999 بسبب مشكلات واجهتها.

تابعت حنان أثناء لقاء لها مع الإعلامية راغدة شلهوب في برنامج “نص الكلام” المذاع عبر قناة النهار حيث قالت “البداية كانت أن أنا هقعد سنة علشان الم افكاري بس مش هعلن دة لقيت اني دخلت في حاجة تانية خالص وكانت الفترة دي اعتزال عدد كبير من الفنانات وكانوا بيدعوني لمجالس فكان حاجة جديدة وكلام مبسمعوش وقررت هوقف كل حاجة وعمري ما قولت دة حرام ودة حلال”

وأضافت قائلة “أنا اعتزلت 1999 واتحجبت لمدة خمس سنين وقصة الحجاب كانت عملالي حالة صعبة ومكنتش قادرة عليه، كان ياريت بس مكنتش قادرة وكنت بعيط ولية معرفش”

وتابعت “كنت بطرد من مجالس لأني كنت بناقش وكان لازم اقتنع وآخر مرة حضرت كانوا بيقولوا ان قراءة الجرنال حرام فحسيت اني متخلفة وقاعدة مع متخلفين”

“قالولي لو قلعتي الحجاب هتاخدي ذنب كل الناس اللي هتمشي وراكي، وأنا مكنتش عارفة مين أخوان ومين سلفين وكنت فاهمة أن هو دة الدين”

للمزيد من هنا